Rosa mystica, Turris Davidica

[jsburbidge]

There is no rose of swich vertu
As is the rose that bare Jhesu.
Alleluia.

For in this rose conteynyd was
Heven and erthe in lytyl space,
Res miranda.

Be that rose we may weel see
That he is God in personys three,
Pari forma.

The aungelys sungyn the shepherdes to
'Gloria in excelcis Deo.'
Gaudeamus.

Leve we all this wordly merthe,
And folwe we this joyful berthe;
Transeamus.